كلمات أغنية دوامة

المقدمة

يا ليل يا عيني الناس بقت بتاكل ف بعضيها

واحد بيعيط والتاني مجروح والناس ماشيين شايلين هموم

المقطع الأول

صاحبي بقه خايف يحلم ببكره وأبويا شايل فوق كتافه ألف هم

أمي بتضحك بس الجرح باين والضحكه دي مش من جواها

الناس ف الشارع وشوشها صفره كل العيون شايله ألف حسره

واحد بيجري ع اكل عيشه وواحد بيموت من كتر الجوع

الدنيا بقت تدي مآسي والواحد بقه عايش يداري

والواد الصغير حاسس بالخنقة من قبل حتى ما يفهم حاجه

الكورال

إحنا بقينا عايشين ف دوامه نصحى نجري وننام ع اوجاعنا

كل البيوت فيها ١٠٠ حكايه والهم بقى ساكن ويانا

يا رب إرحم حالنا ده الحزن خلاص واكل من أرواحنا

المقطع التاني

الصحاب بقت بتبيع ف ثواني والجدعنه بقت بس كلام

كل واحد لابس وشين وش المصلحه ووش الصحبه

الايام بقت زي الغربه والناس تايهه ف نص الزحمه

كل البيوت جواها سكوت والضحكه بقت ضيف بيموت

واحد نفسه يفرح ساعه وواحد يدعي يتستر حاله

واحد مديون واحد مكسور واحد حبيبه سايبه ومشغول

البريدج

ها يا دنيا ليه خليتي الضحكه صعبه كده

كل اللي كان جوانا مات والناس بقت عايشه السكات

المقطع التالت

بقيت أجري ومش لاحق نفسي والليل بياكل ف باقي مشاعري

كل الحواديت نفس النهايه ناس ضحيه وناس جانيه

وبقينا بنخاف من بكره ومن أي حد ومن أي فكره

حاسس بزحمه خانقة البلد وحزن تقيل فوق القلوب

بس لسه فينا نفس ويمكن ييجي فرج قريب

الكورال الأخير

إحنا بقينا عايشين ف دوامه نصحى نجري وننام ع اوجاعنا

كل البيوت فيها ١٠٠ حكايه والهم بقى ساكن ويانا

يا رب إرحم حالنا ده الحزن خلاص واكل من أرواحنا