كلمات أغنية قاع الهامور
كلمات أغنية «قاع الهامور» لـ BOBOS كاملة، أغنية منفردة، مصري.
عن الأغنية
أغنية ساخرة عن الغلا والزحمة: الطماطم غالية، والكهربا قطعت، والموظف بيقول تعالى بكرة. والكل غني وفقير «غاطس في قاع الهامور» في نفس الطابور.
الكلمات
الكورال
الكل هنا غاطس ف قاع الهامور غني وفقير سوا في نفس الطابور مافيش حد ناجي ومحدش مستور والقصه متلخصه ف شويت سطور
المقطع الأول
الزحمة كتير والصبر قصير والبنزين غالي والمرتب صغير كلنا ف المعيشه واقعين ف بير وكلنا حالنا في وضع خطير
المقطع التاني
رحت السوق لاقيت الأسعار نار الطماطم غاليه فاجبت خيار جبت حاجت البيت والمرتب طار ومشيت وانا حاسس إني بنهار
الكورال
الكل هنا غاطس ف قاع الهامور غني وفقير سوا في نفس الطابور مافيش حد ناجي ومحدش مستور والقصه متلخصه ف شويت سطور
المقطع التالت
الحر قاتل وانا قاعد عطشان والكهربا قطعت وانا حران المروحة بايظة يا سلطان ونمت ع السطوح زي زمان
المقطع الرابع
عشان ورقة يا خسارتك يا وقتي كالعاده وقفت في الطابور بدري قالي الموظف تعالى بكرة يا سيدي وبكرة هيقولي نفس الكلام تاني
البريدج
قاع الهامور… قاع الهامور كلنا هنا تحت من غير غرور قاع الهامور… قاع الهامور والهامور كشف المستور
الكورال
الكل هنا غاطس ف قاع الهامور غني وفقير سوا في نفس الطابور مافيش حد ناجي ومحدش مستور والقصه متلخصه ف شويت سطور
المقطع الخامس
النت سعره عمال يغلى وبيزيد بينسينا أوجاعنا ده شيء أكيد كله بيزيد إلا المرتب قاعد زهيد وقاع الهامور بقى ملجأنا الوحيد
الكل هنا غاطس ف قاع الهامور غني وفقير سوا في نفس الطابور مافيش حد ناجي ومحدش مستور والقصه متلخصه ف شويت سطور
قاع الهامور… كلنا هنا سوا ف قاع الهامور…
الكلمات ملك إيهاب نوفل (BOBOS). ممنوع نسخها أو استخدامها تجاريًا من غير إذن. اسمع أغاني BOBOS على راديو الأغاني.
