كلمات أغنية يا بختي
كلمات أغنية «يا بختي» لـ BOBOS كاملة، أغنية منفردة، مصري.
عن الأغنية
جت في وقت ضلمة ونورت عمره من أول كلمة. قلبه رجع يدق بعد ما كان عايش مخنوق: «يا بختي لما ضحكتي».
الكلمات
المقدمة
ها ها ها
المقطع الأول
أول ما شوفتك قلبي دق حاسس إنك حب بجد
ضحكتك خلت روحي تطيب موود الحزن مابقاش يجيب
تمري ف بالي ف نص اليوم وأحلم فجأه وأنسى الهموم
دانا من قبلك كنت تايه لا ليا سكه ولا ليا وجود
قبل الكورال
وإنتي معايا الجو يروق حتى قلبي بينط لفوق
الكورال
إنت اللي جتلي ف وقت ضلمه نورتي عمري من أول كلمه
خليتي قلبي يرجع يدق بعد ما كان عايش مخنوق
يا بختي لما ضحكتي حسيت روحي رجعتلي
المقطع التاني
أبص لصورتك قبل النوم أقول لقلبي أنا محروم
صوتك لما يجي ف بالي تصحى دنيايا ويروق حالي
لا إنتي عادي ولا أي حد إنتي روحي ولو طال البعد
دانتي حكايه مالهاش زي وإنتي فرحانه بكون أنا حي
نفسي أفضل جنبك دايم لا بعد يوجع ولا ليل قاسي
وأعيش عمري أحكيلك حلمي وإنتي ف حضني وسط الأغاني
البريدج
خديني معاكي بعيد بعيد ف حته هاديا من غير مواعيد
لا فيها زحمه ولا فيها ناس غير قلبك وقلبي وخلاص
الكورال الأخير
إنت اللي جتلي ف وقت ضلمه نورتي عمري من أول كلمه
خليتي قلبي يرجع يدق بعد ما كان عايش مخنوق
يا بختي لما ضحكتي حسيت روحي رجعتلي
الكلمات ملك إيهاب نوفل (BOBOS). ممنوع نسخها أو استخدامها تجاريًا من غير إذن. اسمع أغاني BOBOS على راديو الأغاني.
